Këngëtarja me famë botërore, Rita Ora ka anuluar koncertin e saj në Hungari për shkak të problemeve shëndetësore.

Në një postim që ka bërë në rrjetet sociale, shqiptarja u ka kërkuar falje fansave të saj, ndërsa ka treguar se ka kaluar natën në spital.

Këtë deklaratë ylli botëror e ka bërë vetëm disa orë para se të këndonte në Debrecen të Hungarisë, ndërsa ka kërkuar mirëkuptimin e fansave të saj.  

“Ju lutemi më falni për këtë kthesë të papritur të ngjarjeve, por fatkeqësisht nuk do të mund të performoj në Festivalin e mbrëmjes sonte pasi kalova natën në spitalin e Budapestit. Unë duhet të pushoj plotësisht dhe të ndjek urdhrat e mjekut. Më vjen shumë keq për fansat e mi që do të jenë atje sot dhe jam vërtet mirënjohës për mirëkuptimin tuaj”-shkruan këngëtarja në postimin në rrjetet sociake.

Rita Ora mbërriti në Hungari dy ditë më parë, por për fat të keq nuk mundi të performojë.

LEXONI GJITHASHTU:

• Lamtumirë Kadare! Personalitete nga politika, artit dhe kultura nderojnë shkrimtarin
• Burrat shqiptarë e duan kulturën, pjesëmarrës në aktivitete 31.3% më shumë se gratë