“Serbia do që procesi të dështojë me faj të Kosovës”, Maliqi: Kurti të reflektojë…

Analisti Agon Maliqi tha në emisionin “Review” se Kurti ka rënë në kurthin e ngritur nga Serbia, pasi ajo po ia del të realizojë qëllimet e saj.

Sipas tij, qëllimi i Serbisë është që të dështojë procesi i dialogut mes dy vendeve dhe faji t’i mbetet Kosovës.

Sipas Maliqit deri më tani Serbia i ka arritur qëllimet e saj ndaj Kurti duhet të reflektojë e “të hedhë topin në krahun tjetër”.

“Kur Kosova i tha po Asociacionit Kosova filloi procesin e anëtarësimit në Këshillin e Evropës, u legalizuan vizat, filloi një fazë e shpërblimeve për Kosovën.

Në rast se Serbia thotë jo, Kosova do ecë përpara, ndërsa Serbia do të ngeci, por për fat të keq, në Kosovë po ekziston një dyshim i thellë te synimet e ndërmjetësuesve që nuk ka qenë më parë dhe një keqlexim i lëvizjeve të Serbisë që ka shfrytëzuar situata për favoret e saj.

Synimi i Serbisë në fakt është që procesi të dështojë, por të dështojë me fajin e Kosovës. Deri ën këtë moment ata ia kanë dalë me këtë synim. unë shpresoj që Kurti të reflektojë e ta hedhë topin në krahun tjetër”,-tha Agon Maliqi.

LEXONI GJITHASHTU:

• Esmeralda Mulaj: Ja pse ndërkombëtarët kanë kërkuar një draft nga Kosova
• “Përjashtimi nga Defender, jo i drejtë”, Kryeministri Kurti komenton vendimin e SHBA