Serbia e zhgënjyer për Open Balkan, reagimi i Bërnabiç pas takimit të Tiranës

Serbia duket e zhgënjyer nga deklaratat e kryeministrit Edi Rama për perfundimin e misionit të Ballkanit të Hapur. Madje kryeministrja serbe, Ana Bërnabiç para udhëtimit drejt Tiranes zgjodhi të ndalojë në Maqedoninë e Veriut, ku përmes një aktiviteti me kryeministrin Dimitar Kovaçevsky theksoi se Ballkanin e Hapur e duan qytetarët.

Ndërsa në Tiranë dhe pse ishte ftuar për të diskutuar për projekte në kuadër të Procesit të Berlinit, Bërnabiç tha se është folur edhe për iniciativat në kuadër të “Ballaknit të Hapur”. Në reagimin e saj në rrjete sociale Bërnabiç shkruan:

“Sapo po përfundova vizitën time në Tiranë me ftesë të kryeministrit Edi Rama. Për të biseduar, kishim dy tema, njëra sigurisht që është Ballkani i Hapur, por edhe samiti i Procesit të Berlinit, i cili do të mbahet nga Shqipëria në tetor të këtij viti. Për momentin Shqipëria është tërësisht e fokusuar në atë samit dhe se çfarë mund të bëjmë shtesë pas samitit të fundit që ishte në Berlin. Diskutuam edhe për iniciativat që kemi në kuadër të Ballkanit të Hapur që janë mjaft komplementare me Samitin e Procesit të Berlinit”, tha Bërnabiç.

Në takim nuk ishte i pranishëm kryeministri i Kosovës, Albin Kurti, i cili udhëtoi drejt Kretës për të marrë pjesë në një takim të organizuar nga ish-kryeministri Papandreu.

LEXONI GJITHASHTU:

• Escobar raporton sot në Kongres për situatën në rajon, zbardhet qëndrimi për Kosovën
• Furnizimi i Kosovës me dronë Bajraktar, Serbia kritika por dhe “frikë” Turqisë
• Jo vetëm Vulin, mediat serbe publikojnë emrat e njohur në listën e zezë amerikane