Sevim Arbana: Shqiptarët punojnë vetëm për të ngrënë, nuk blen dot shtëpi

Largimi nga shtëpia e prindërve për të ndërtuar jetën tende konsiderohet si një shtyllë kryesore e moshës madhore në shumë vende.

Megjithatë, jo të gjitha kulturat dhe strukturat familjare janë të njëjta. Dhe ndonjëherë ekonomitë mund të ndikojnë në aftësinë për të lëvizur jashtë familjes.

Sevim Arbana aktiviste tha në emisionin GoodMorning Albanians në Euronews Albania se të rinjtë në Shqipëri e kanë të vështirë të martohen dhe të krijojnë familje pasi nuk e kanë mundësinë që të blejnë një shtëpi.

Sipas saj, Shqipëria është i vetmi vend evropian ku njerëzit punojnë vetëm për të ngrënë pasi 31 për qind e GDP shkon për produktet e shportës.

“Kemi të rinj që nuk martohen se nuk mund të blejnë dot një shtëpi pasi jetojnë me prindërit. Jemi i vetmi vend në Evropë që 31 për qind e GDP shkon vetëm për të ngrënë, shqiptarët punojnë vetëm për të ngrënë. Kam punuar 20 vjet me zviceranët, shumë pak kanë shtëpi, jetojnë më qira ose kredi që i marrin të gjata, nuk duhet ta varrosë kredia familjen. Këtu të blesh një shtëpi me kredi është shumë e vështirë për ta përballuar”, tha ajo.

LEXONI GJITHASHTU:

• Pipiria zbulon se sa mund ta shesësh shtëpinë e para viteve ‘92
• Kirurgu: Dikur shkonin 3 herë te mjeku dhe iknin në shtëpi pa bajame…