Shala: Incidentet serbe mund të marrin përmasa, serbët brenda Kosovës të rrezikshëm

Eksperti i sigurisë, Xhavit Shala tha në një intervistë për Euronews Albania se mundësitë që Serbia të sulmojë nga jashtë Kosovën janë shumë të vogla, pasi Kosova është nën mbrojtjen e NATO dhe KFOR.

Sipas tij, problem do të jenë provokimet e brendshme nga njerëz që punojnë për shërbimet sekrete serbe që mund të shkaktojnë incidente.

“Rusia po kërkon të hapë një problem në Ballkan që të shpërqendrohet vëmendja, edhe Banjska është pjesë e këtij skenari. Në rastin e Kosovës nuk kanë çfarë bëjnë, por mund të stisin incidente të tjera. Pas deklaratës së Vuçiç ka një deklaratë të ambasadorit të SHBA në Kosovë që thotë se siguria e Kosovës nuk diskutohet. Problem do jenë provokimet e brendshme, njerëz që punojnë për shërbimet sekrete serbe mund të provokojnë incidente. Incidentet sporadike deri tani janë mirëmenaxhuar nga policia e Kosovës dhe nga agjenci të tjera që shkëmbejnë informacion. Është shumëfishuar forca ushtarake por dhe burimet e informacionit. Do dështojnë në përpjekjet e tyre”, tha Shala.

LEXONI GJITHASHTU:

• Kosova zhgënjen sërish në miqësore, dardanët mposhten nga Hungaria
• Miratohet raporti për anëtarësimin e Kosovës në Këshillin e Europës