SHBA afron aeroplanmbajtëset me Izraelin, vendos avionë shtesë në rajon

Është dita e tretë e konfliktit mes Izraelit dhe Hamasit. Deri më tani janë regjistruar më shumë se 1100 të vdekur dhe më shumë se 4000 të plagosur. Konflikti u përhap përtej kufijve të Izraelit – Hezbollahu libanez hodhi raketa në Izrael në shenjë solidariteti me popullin palestinez.

Raketat ranë në zonën e lartësive të diskutueshme të Golanit. Në të njëjtën kohë, në qytete anembanë botës, si hebrenjtë ashtu edhe palestinezët mbajnë mitingje në mbështetje të Izraelit dhe Hamasit.

Një grup sulmues aeroplanmbajtës i Marinës së SHBA po lëviz në Detin Mesdhe lindor, duke përfshirë aeroplanmbajtësen me energji bërthamore USS Gerald R. Ford, i cili do të pasohet nga shkatërruesit me raketa të drejtuara dhe kryqëzorë me raketa të drejtuara, tha Sekretari i Mbrojtjes i SHBA Lloyd Austin.

Ai shtoi se SHBA do të sigurojë municion dhe pajisje për Izraelin dhe do të forcojë forcat amerikane në Lindjen e Mesme në përgjigje të sulmeve të Hamasit, raporton CNN.

LEXONI GJITHASHTU:

• “Është luftë hibride, pa rregulla”, Duro për luftën në Izrael: Do vuajnë civilët
• Kërkuan largimin nga Izraeli, mbërrijnë në vend 40 shqiptarët e parë