SHBA dhe BE reagojnë për tensionet në Kosovë, thirrja për palët

Departamenti amerikan i Shtetit thotë se Shtetet e Bashkuara të Amerikës dhe Bashkimi Evropian janë duke punuar me kryeministrin e Kosovës, Albin Kurti, dhe presidentin e Serbisë, Aleksandër Vuçiç, për të gjetur një zgjidhje politike për uljen e tensioneve në veri të Kosovës.

Më tej ne deklaratë nënvizon se, SHBA dhe BE mirëpresin garancitë e lidershipit të Kosovës që konfirmuan se nuk ka lista për arrestimin e qytetarëve serbë, ose përndjekjen e atyre, që protestojnë paqësisht.

Departamenti i Shtetit shton se BE-ja dhe SHBA-ja u bëjnë thirrje të gjithëve që të marrin veprime të menjëhershme për uljen e tensioneve.

“Në të njëjtën kohë, sundimi i ligjit duhet të respektohet dhe çdo formë e dhunës është e papranueshme dhe nuk do të tolerohet”, thuhet në reagim.

SHBA-ja dhe BE-ja kanë kërkuar nga palët që të zbatojnë “pa vonesa të gjitha detyrimet e dialogut” për normalizimin e marrëdhënive, që ndërmjetësohet nga blloku evropian”.

LEXONI GJITHASHTU

• Haradinaj: Gjendja në Veri mund të përshkallëzohet dhe të dalë jashtë kontrollit

• Reagon Kremlini: Nuk po e shtyjmë Serbinë që të nxisë tensione në Kosovë
• Tensionet në Veri, Kurti: Nuk do të bisedojmë me kriminelët, do t’i arrestojmë