SHBA i kërkon Kurtit të shtyjë afatin për targat: Me rëndësi të shmangen tensionet

Ambasadori i SHBA-së në Kosovë, Jeffrey Hovenier dhe Këshilltari i Departamentit të Shtetit, Derek Chollet, i kanë bërë thirrje kryeministrit Albin Kurti që ta shtyjë zbatimin e vendimit për targat.

Përmes një postimi në Twitter, Hovenier  u shpreh se është e rëndësishme të shtyhet vendimi për targat e reja të automjeteve.

“Me rëndësi të shmangen tensionet dhe të shtyhet zbatimi i vendimit për targat e reja. Ne dënojmë gjithashtu veprimet për frikësim apo hakmarrje ndaj atyre që kanë ndërruar targat e tyre”, shkroi Hovenier.

Important to avoid tensions and postpone implementation of new license plate rules. We also condemn actions to intimidate or retaliate against those who have changed their plates. https://t.co/LkujTK0opf

— Ambassador Jeff Hovenier (@USAmbKosovo) October 27, 2022

Përmes një bisede telefonike që ka pasur me kryeministrin Kurti, Këshilltari i Departamentit të Shtetit, Derek Chollet, gjithashtu ka kërkuar që të shtyhet vendimi për targat.

“Fola me kryeministrin e Kosovës Albin Kurti sot për të diskutuar rëndësinë e shmangies së tensioneve dhe shtyrjen e zbatimit të vendimit për targat e reja, pa konfiskime apo gjoba. Gjithashtu diskutuam partneritetin tonë dhe qëllimet e përbashkëta drejt avancimit të integrimit evropian dhe euroatlantik të Kosovës”, shkroi ai në Twitter.

Ditën e djeshme, Presidenti i Serbisë, Aleksandër Vuçiç deklaroi se popullsia serbe në Kosovë do të rezistojë, nëse nuk do të lejohet lëvizja e automjeteve me targa KM.

LEXONI GJITHASHTU

• Serbët do të rezistojnë nëse Kosova nuk lejon targat KM, thotë Vuçiç
• Rakiç: Nëse konfiskohen automjetet e serbëve me targat KM, bllokojmë veriun
• ‘Po u digjen shtëpitë’, Osmani: Qytetarët po kërcënohen për targat