Investimet strategjike ishin shkaku i përplasjes ditën e sotme mes mazhorancës dhe Partisë Demokratike.
Deputeti Agron Shehaj paralajmëroi se do ta dërgojë çështjen në Gjykatën Kushtetuese. Ai tha se kur qeveria shpalli investitor strategjik bashkëshortin e ministres Xhaçka, shkeli Kushtetutën.
“Në denoncimet që kemi bërë janë të gjitha të bazuara në fakte dhe dokumente, tregojnë që në fund të fundit është ministrja që ka përfituar pronën publike”, tha Shehaj.
Por mazhoranca rrëzoi sot kërkesën e 35 deputetëve të opozitës për të ngritur një komision të posaçëm për hetimin e kontratave të investimeve strategjike.
“Ka ca motive të tjera pse qeveria do të mbyllë fort për të mos ja bërë të ditur medias dhe publikut atë që ka gatuar me investimet strategjikë”, tha kreu i grupit parlamentar të PD, Enkelejd Alibeaj.
Arsyet e refuzimit të kërkesës për PS janë shumë më të ndryshme.
“Ka probleme të përputhjes me Kushtetutën të kërkesës së deputetëve, mungojnë indiciet, faktet që justifikojnë ngritjen e një komisioni parlamentar”, u shpreh Taulant Balla, kreu i grupit të PS.
14 deputetë nga grupi parlamentar i Partisë Demokratike kanë dorëzuar në Kuvend kërkesën për heqjen e mandatit të ministres Olta Xhaçka.
LEXONI GJITHASHTU:
- Investimet strategjike, Balla: Nuk ka fakte dhe indicie në kërkesën e PD
- 35 deputetë të PD rikërkojnë komision hetimor për investimet strategjike
