Kreu i LZHK-së Dashamir Shehi ka pasur një këshillë për kandidatin e PD për Bashkinë Tiranë, Belind Këlliçi.

I ftuar në emisionin Euronews Albania, Shehi theksoj se Tirana i ka të gjitha shanset për të fituar por që Këlliçi sipas tij duhet të marrë funksionin e vet politik.

Shehi ndër të tjera shtoi se Këlliçin tani e shohin bashkuesin e opozitës brenda Tiranës.

“Unë e gjykoj që në Tiranë opozita i ka të gjitha shanset për të fituar. Por kam një këshillë për Këlliçin. Nëse Këlliçi është thjeshtë si përfaqësues i foltores  po paragjykon situatën e vet personale dhe të opozitës sepse u kemi deleguar rolin politik për ndryshe. Bashkia e Tiranës, ka qenë gjithmonë në funksion politik. Këlliçi duhet të marrë funksionin e vet politik. I ka hyrë kësaj pune t’i dalë për zot. Ne e njohim atë si bashkuesin e opozitës brenda Tiranës.

Nëse ai është vetëm si përfaqësuesi i foltores po i bën nder krahut tjetër”- tha ai.

LEXONI GJITHASHTU:

• Zyrtarizoi koalicionin me Patozin për 14-majin, Shehi: Ja cili është qëlllimi
• Blendi Fevziu: Çfarë pritet të ndodhë në zgjedhjet lokale, kush mund të fitojë