Shella: Ja cila është detyra e lënë nga Kushtetuta që Kuvendi s’e ka plotësuar

Me rastin e 25-vjetorit të Kushtetutës së Shqipërisë në sallën e seancave plenare u mbajt një konferencë ndërkombëtare nga Gjykata Kushtetuese. Kryetarja e kësaj gjykate, Holta Zaçaj deklaroi se sistemi gjyqësor mund ta luajë rolin e tij kushtetues vetëm nëse është i pavarur.

Gerti Shella, drejtor i INFOCHIP tha në një intervistë për Euronews Albania se Kushtetuta e Shqipërisë është ndryshuar disa herë për arsye politike, por jo demokratike.

Sipas tij, Kushtetuta i ka lënë detyrë Kuvendit ligjin për referendumet, që nuk është plotësuar prej tij.

“Kushtetuta jonë duhet të ishte një kushtetutë parlamentare, ndërkohë që me ndryshimet e bëra kemi një kushtetutë kryeministrore. Kryeministri është i vetmi mandat që nuk ka limit të mandateve, presidenti ka limitim të mandateve, çdo zyrtar e ushtron mandatin me kufizime , kjo flet shumë dhe këtu duhej bërë një ndërhyrje e ardhshme. Kushtetuta është ndryshuar për arsye politike, jo demokratike, sepse edhe pse Kushtetuta i ka lënë një detyrë kuvendit për referendume kjo kërkesë nuk është plotësuar. Ligji për referendumet nuk është plotësuar”, tha Shella.

LEXONI GJITHASHTU:

• 25 vjetori i Kushtetutës, Sadushi: Vijon ende rezistenca ndaj vendimeve të gjykatave
• Kopja e rrallë e Kushtetutës së SHBA shihet 43.2 milionë dollarë në ankand