Shembet streha e stacionit hekurudhor në Novi Sad, raportohet për 8 të vdekur

Tetë persona kanë vdekur dhe dy të tjerë janë lënduar pasi është shembur streha e stacionit hekurudhor në Novi Sad të Serbisë, tha ministri i Punëve të Brendshme të Serbisë, Ivica Daçiç.

Dy persona ende janë të bllokuar nën rrënoja dhe Daçiç tha se ekipet e shpëtimit po tentojnë që t’i nxjerrin nga aty.

Aktualisht, afër 80 pjesëtarë të ekipeve të shpëtimit janë në vendin e ngjarjes.

Kryeministri i Serbisë, Millosh Vuçeviç, tha se kjo është një nga ditët më të vështira në historinë e pasluftës të Novi Sadit.

“Ne do të insistojmë që të gjithë përgjegjësit të gjenden dhe ata që janë përkujdesur për gjendjen e kësaj strukture dhe të kësaj ndërtese të mbahen përgjegjës”, tha kryeministri serb.

Ai tha se streha që u shemb ishte ndërtuar në vitin 1964.

LEXONI GJITHASHTU:

• Kush është Klani i Novi Sadit? Eksperti: Kanë kryer krime të ndryshme në Serbi
• Pas Basnjkës “Klani i Novisadit”, Ministria e Mbrojtjes serbe i përgjigjet Kurtit