“Shërbimet inteligjente të Kosovës në gatishmëri të lartë”, Shala: Ç’pritet në 2024

Eksperti i sigurisë, Drizan Shala tha në një intervistë për Euronews Albania se Shërbimet inteligjente të Kosovës janë në gatishmëri të lartë pas informacioneve se Serbia po përgatitet për sulme të reja në veri.

Sipas tij, gjasat janë që në fillim në 2024 të ketë situata që cenojnë jo vetëm sigurinë e Kosovës por prekin gjithë rajonin.

“Institucionet e Kosovë, ato inteligjente dhe të sigurisë janë në gjendje gatishmërie në bazë të informacioneve që janë bërë publike nga kryeministri Kurti. Pritet që sipas të gjitha gjasave pas fillimit të 2024 tensionet të jenë më të shpërfaqura. Në 2024 mund të ketë situata që mund të cenojnë jo vetëm sigurinë e Kosovës por me impakt rajonal. Ajo që shihet është se institucionet e sigurisë së Kosovës në bashkërendim me agjencitë partnere mike të SHBA kanë mundur të identifikojnë aktivitete ushtarake parapërgatitore të këtyre formacioneve të Serbisë në territoret përkatëse”, tha eksperti.

LEXONI GJITHASHTU:

• Kurti: Radojiçiç me ushtrinë serbe po përgatitet për sulme të reja në Kosovë
• Kurti i përgjigjet Lajçak: Meqë drafti është çështje e brendshme, po e shkruaj me…