Shisnin drogë pranë shkollave, Prokuroria e Sarandës dërgon në gjyq 16 persona

Prokuroria e Sarandës ka çuar për gjykim 16 persona, të cilët akuzohen se shisnin drogë pranë shkollave në Sarandë dhe Delvinë.

Ata akuzohen për veprën penale “Prodhim dhe shitje narkotikësh”, kryer në bashkëpunim dhe më shumë se një herë. Nga hetimet e zhvilluara për një vit me metoda proaktive, vëzhgime dhe përgjime u zbulua se të pandehurit shisnin lëndë narkotike kryesisht tek të rinjtë në qytetet e Sarandës dhe Delvinës, pranë shkollave.

Tre nga shtetasit janë gjithashtu në akuzë për drejtim automjeti nën efektin e narkotikëve.

Njoftimi i plotë i Prokurorisë së Sarandës

“Prokuroria pranë Gjykatës së Shkallës së Parë të Juridiksionit të Përgjithshëm Sarandë përfundoi hetimet dhe dërgon në gjyq 16 persona për veprën penale ‘Prodhim dhe shitje narkotikësh’ parashikuar nga neni 283/2 të Kodit Penal kryer në bashkëpunim më shumë se një herë.

Në kuadër të procedimit penal nr.647, pas hetimeve një vjeçare me metoda proaktive, vëzhgime e përgjime, rezultoi se të pandehurit shisnin lëndë narkotike në qytetin e Sarandës edhe të Delvinës, kryesisht moshave të reja. Tre nga shtetasit e dërguar në gjyq, janë në akuzë për veprën penale “Drejtimi i automjeteve në mnëyrë të parregullt’ të parashikuar nga neni 291 të Kodit Penal pasi u provuan se kanë qenë nën efektin e lëndës narkotike, kur janë ndaluar

Sa më sipër Prokuroria pranë Gjykatës së Shkallës së Parë të Juridiksionit të Sarandë, dërgon nër gjyq 16 të pandehurit:

J.I.,  për veprën penale “Prodhim dhe shitje narkotikësh” parashikuar nga neni 283/2 i K.Penal, kryer në bashkëpunim dhe më shumë se një herë;

M.H., për veprën penale “Prodhim dhe shitje narkotikësh” parashikuar nga neni 283/2 i K.Penal, i dyshuar për kryerjen e veprës penale “Prodhim dhe shitje narkotikësh”  kryer në bashkëpunim dhe më shumë se një herë;

P.B,  për veprën penale “Prodhim dhe shitje narkotikësh” parashikuar nga neni 283/2 i K.Penal, kryer në bashkëpunim dhe më shumë se një herë;

E.H, për veprën penale “Prodhim dhe shitje narkotikësh” parashikuar nga neni 283/2 i K.Penal, kryer në bashkëpunim dhe më shumë se një herë;

M.D për veprën penale “Prodhim dhe shitje narkotikësh” parashikuar nga neni 283/2 i K.Penal kryer më shumë se një herë;

O.A, për veprën penale “Prodhim dhe shitje narkotikësh” parashikuar nga neni 283/2 i K.Penal, kryer në bashkëpunim dhe më shumë se një herë;

F.A, për veprën penale “Prodhim dhe shitje narkotikësh” parashikuar nga neni 283/2 i K.Penal, kryer në bashkëpunim dhe më shumë se një herë;

Xh.M, për veprën penale “Prodhim dhe shitje narkotikësh” parashikuar nga neni 283/2 i K.Penal, kryer në bashkëpunim dhe më shumë se një herë;

S.M, për veprën penale “Prodhim dhe shitje narkotikësh” parashikuar nga neni 283/2 i K.Penal, kryer në bashkëpunim dhe më shumë se një herë;

D.Q, për veprën penale “Prodhim dhe shitje narkotikësh” parashikuar nga neni 283/2 i K.Penal kryer më shumë se një herë dhe në bashkëpunim;

E.T, për veprën penale “Prodhim dhe shitje narkotikësh” parashikuar nga neni 283/2 i K.Penal, kryer më shumë se një herë;

A.C, për kryerjen e vepres “Prodhim dhe shitje narkotikësh” në formën e shitjes, parashikuar nga neni 283/1 i Kodit Penal dhe ‘Prodhimi, mbajtja, blerja apo shitja pa leje e armëve të ftohta” parashikuar nga neni 279/1 i K.Penal;

E.D, për kryerjen e veprës penale “Prodhim dhe shitje narkotikësh’, në formën e mbajtjes, parashikuar nga neni 283/1 i K.Penal;

V.K, për veprën penale “Drejtimi i automjeteve në mënyrë të parregullt’ të parashikuar nga neni 291 i K.Penal;

E.A, për veprën penale “Drejtimi i automjeteve në mënyrë të parregullt’ të parashikuar nga neni 291 i K.Penal; dhe

A.Ç, për kryerjen e veprës penale “Drejtimi i automjeteve në mnëyrë të parregullt’, parashikuar nga neni 291 i K.Penal.

Prokuroria pranë Gjykatës së Shkallës së Parë të Juridiksionit të Përgjithshëm Sarandë shpreh gadishmërinë për të hetuar dhe vënë përpara përgjegjësisë penale të gjithë individët e përfshirë në veprimtarinë e kundraligjshme të shitjes së lëndëve narkotike”, thuhet në njoftim.

LEXONI GJITHASHTU:

• Emrat/ SPAK operacion antidrogë në Sarandë e Delvinë, jepen 12 masa sigurie
• Shisnin drogë, arrestohen dy të rinj nga Saranda në Portin e Durrësit