Shkrirja e Universitetit të Korçës/ Zyrtarja e PD: Është frymë politike e Ramës

Profesore Lili Sula, ishte këtë të martë e ftuar në emisionin “Now me Erla Mëhilli” në Euronews Albania për të folur rreth vendimit për shkrirjen e universitetit të Korçës.

Drejtuesja e Departamentit të Arsimit të Lartë në PD, tha se ky nuk është një propozim që ka ardhur direkt nga senati, por është një fryme politike e shprehur nga kryeministri Rama që rrënjët i ka në reformën për arsimin e lartë në vitin 2015.

“Nuk është vetëm senati i Korçës që po e propozon këtë gjë. Kjo është një frymë politike e shprehur nga kryeministri Rama  që një pjesë e universiteteve rajonale do të filializohen. Nuk mund të bëhet një diskutim i tillë në senat pa pasur më parë një mbështetje politike, apo një platformë.

Është një reformë shumë e madhe që i ka rrënjët te ligji i 2015, që në një farë mënyrë ka rrëgjuar të gjithë autonominë e universiteteve dhe të gjithë institucioneve të arsimit në vendin tonë, duke i bërë ato në forma burokratike, duke vendosur mesatare, dysheme. Sistemi arsimor është në një krizë të thellë, është në ditët më të këqija”,-tha Lili Sula.

LEXONI GJITHASHTU:

• FBI neglizhoi ‘6 janarin’, Senati publikon raportin për kryengritjen në Capitol Hill
• Shkrirja e Universitetit të Korçës/ Zyrtarja e PD: Është frymë politike e Ramës