“Shmangëm rrezikun nga zjarret”, Peleshi: Mund të kemi emergjenca nga reshjet

Ministri i Mbrojtjes Niko Peleshi ishte këtë të martë në një konferencë për mediat për të folur rreth situatës së zjarreve dhe të reshjeve në vendin tonë. Ai tha se zjarret këtë verë kanë qenë  të shumtë, por me pak dëme gjë që dëshmon sipas tij, efikasitetin e ndërhyrjes.

Niko Peleshi tha se janë shmangur zjarret në pemëtari, ndërsa shtoi se në 24 orët e fundit ka pasur disa vatra aktive, por jo kritike.

Po ashtu u ndal edhe tek situata e përmbytje duke bërë thirrje që qytetarët të bashkëpunojnë dhe në rast të çdo emergjence të komunikojnë.

“Kemi shmangur zjarret në pemëtari. Në 24 orë ka pasur disa vatra aktive, në Fier e Vlorë. Por gjithashtu zjarr kritik ka qenë zjarri mbi Porto Palermo, pranë Qeparoit që u menaxhua në një kohë të shpejt. Një zjarr tjetër delikat, ishte ai afër Kishës së Laçit. Por tashme kemi patur reshje në veri, dhe mund të ketë dalje nga shtrati të ndonjë përroi, apo përmbytje. I bëj thirrje qytetarëve të bashkëpunojnë për çdo situatë emergjence, dhe më pas bashkive që të jenë të gatshëm”, tha Peleshi.

Mionistri i mbrojtjes Niko Peleshi ka falënderuar gjithashtu të gjithë efektivët e zjarrfikëses që po japin kontributin e tyre në shuarjen e flakëve në Greqi.

LEXONI GJITHASHTU:

• Rusia pretendon se ka penguar dy dronë amerikanë afër Krimesë
• Hetim shpërthimeve në Rumani, shkak dyshohet një cigare e hedhur nga pakujdesia