Shorti i Euro 2024, gazetari: Me Italinë kam pritshmëri, me Spanjën t’i lutemi Zotit

Kampionati Europian ‘Euro 2024’ do të nisë me përballjen Gjermani-Skoci në 14 qershor.

Shqipëria do të luajë ndeshjen e parë ndaj Italisë më 15 qershor në stadiumin e “Dortmund”, ndërsa më 19 qershor do të përballet me Kroacinë në stadiumin “Hamburg”.

Ndeshja e fundit e grupit do të jetë ajo ndaj Spanjës, që do të luhet më 24 qershor në stadiumin “Düsseldorf Arena”.

Në lidhje me këtë gazetari Ledio Halili në një intervistë për Euroneës Albania, theksoi se ka pritshmëri me Italinë por jo me Spanjën.

Sipas tij në përballje me Spanjën duhet t’i lutemi Zotit që të mos bëhet gol, duke qenë që sipas tij është një skuadër shumë e fortë.

“Sot më i miri i Kombëtares është Barrella , mendoj unë por prapë nuk arrin dot në nivelin e atyre. Kroacia gëzon formën më të dobët të këtyre 10 viteve të fundit sepse po i mbaron një cikël. Tek e fundit që është Spanja, këtu nuk kam çfarë të them vetëm duhet të lusim Zotin që mos të bëhet gol. Për Spanjën nuk kam pritshmëri, pritshmëritë e mia janë me Italinë. Jemi të humbur në letër por fusha do e tregojë”-tha ai.

LEXONI GJITHASHTU: 

• Vrasja e 14-vjeçares në RMW, prokurori: I përfshirë dhe babai, e bënë për para
• VIDEO| Vuçiç pëson rënie të mbështetjes në Serbi, e krahasojnë me Hitlerin