Segmenti i një gazsjellësi që kalon në një autostradë të Rumanisë shpërtheu të enjten duke vrarë 4 persona dhe plagosur 5 të tjerë.

Ngjarja ndodhi rreth orës 1 të mëngjesit, në afërsi të qytetit lindor Kalimanesti, bënë të ditur shërbimet e emergjencës.

Sipas tyre, ai u shkaktua nga krisja e tubacioneve dhe rënia në kontakt me shkëndijat elektrike të krijuara nga punimet për rikonstruksionin e autostradës.

Ndërsa sipas mediave lokale, punëtorët e goditën gazsjellësin me një mjet gërmues, duke shkaktuar kështu shpërthimin.

Autoritetet izoluan zonën deri në 500 metra nga vendi i shpërthimit, teksa zjarrfikësit punuan për të vënë nën kontroll flakët.

Katër personat u gjetën të vdekur në vendngjarje, ndërsa pesë të plagosurit u transferuan në një spital në qytetin më të afërt, Adjud.

Muajin e kaluar, disa dhjetëra persona mbetën të lënduar si pasojë e shpërthimit të një depozite gazi në një pikë karburanti, në qytetin Çrevedia, pranë kryeqytetit Bukuresht.

LEXONI GJITHASHTU:

• “Rumania nuk e njeh Kosovën, ndaj provokoi në stadium”-analisti Qafoku
• UEFA do të nisë procedura disiplinore ndaj Rumanisë