“Rumania nuk e njeh Kosovën, ndaj provokoi në stadium”-analisti Qafoku

Analisti, Roland Qafoku, në një intervistë për “ Good Morning Albanians” në Euronews Albania tha se Rumania nuk e njeh Kosovën për shkak se e barazon me problemin e pakicave që ka në Rumani.

Në ndeshjen mes Kosovës dhe Rumanisë që u mbajt të martën për kualifikimin në Euro 2024, tifozët rumun hapën një banderolë ku provokoi skuadrën e Kosovës.

Qafoku tha se ky provokim, vjen si pasojë se Rumania nuk e njeh pavarësinë e Kosovës dhe se kjo gjë nuk do të thotë se përfaqëson mendimin e të gjithë shoqërisë rumune.

“Në qoftë se Rumania do ta kishte njohur Kosovën, nuk do të kishte një situatë të tillë në një ndeshje futbolli. Mosnjohja e Rumanisë që është 1 nga 5 shtetet e BE-së është më absurdja, për vetë rrethanat që ka historia e shteteve Rumani- Shqipëri. Unë nuk besoj që populli rumun, shoqëria rumune është e ngarkuar negativisht ndaj shqiptarëve, nuk ekziston kjo, ata 100 apo 200 tifozë aty është komplet një rast i shkëputur. Habia më e madhe është që përse shteti rumun nuk e njeh Kosovën?! Arsyeja është që e barazon me të njëjtat probleme që ka me pakicat kombëtare në Rumani, gjë që nuk ka lidhje fare, mjafton të lexosh 3-4 libra në jetë dhe kupton që s’ka lidhje Kosova me problemet e Rumanisë”- tha Qafoku.

LEXONI GJITHASHTU: 

• Avokati: Fëmijët në vendin tonë nuk regjistrohen në klasa ku ka romë
• OKB: Rivalët e Libisë po i koordinojnë përpjekjet për shpëtim, pas përmbytjeve