Avokati: Fëmijët në vendin tonë nuk regjistrohen në klasa ku ka romë

Rreth 3.800 nxënës të komunitetit rom do të studiojnë këtë vit në sistemin parauniversitar. Po ashtu rreth 10 mijë janë pjesë e pakicës egjiptiane. Vetëm në qytetin e Elbasanit janë rreth 250 romë që do të vijojnë mësimin në bankat e shkollës.

Avokati Gentjan Serjani në një intervistë për emisionin “Good Morning Albanians” në Euronews Albania, theksoi se në vendin tonë nuk ka një politikë të mirë për të mbajtur fëmijët e komunitetit romë në shkolla.

Ai theksoi se fëmijët në vendin tonë nuk regjistrohen në të njëjtën shkollë ku ka romë, ndërsa shtoi se këto të fundit braktisin shkollën për shkak të deskriminimit.

“Nuk kemi një politikë të mirë për të mbajtur  fëmijët në shkollë. Ne sot kemi një politikë për të mbajtur në shkolla nxënësit e komunitetit egjiptian të cilët për arsye ekonomike, deskriminuese  braktisin shkollën. Kemi klasa të para në vendin tonë, si në Elbasan, Fier,  Berat që janë me nxënës të komunitetit romë. Fëmijët e tjerë që mund të jetojnë në një zonë me ata të komunitetit romë nuk shkojnë të regjistrohet atje ku janë këta të fundit. Në Shkodër kemi shkolla që janë të  segreguara”-tha ai.

LEXONI GJITHASHTU: 

• Megaoperacioni antidrogë në vend, 18 të arrestuar në Korçë
• Megaoperacioni anti-drogë/ 50 të arrestuar në Vlorë, në terren RENEA e FNSH