Shpërthim eksplozivi në një banesë në Elbasan, çfarë thotë policia

Një shpërthim me lëndë plasëse ka tronditur lagjen “Partizani” në qytetin e Elbasanit rreth orës 00:05 të datës 1 maj 2025.

Ngjarja ka ndodhur në katin e parë të banesës së shtetasit A. P., ku dyshohet se ka shpërthyer një sasi e vogël lënde eksplozive.

Në momentin e shpërthimit në banesë nuk ka pasur persona të pranishëm, ndërsa si pasojë janë shkaktuar vetëm dëme materiale.

Grupi hetimor, nën drejtimin e Prokurorisë, vijon punën për zbardhjen e rrethanave të ngjarjes si dhe për identifikimin dhe kapjen e autorit/ve.

Njoftimi i policisë

“Rreth orës 00:05, të datës 01.05.2025, në lagjen “Partizani”, në katin e parë të banesës së shtetasit A. P., dyshohet se ka shpërthyer një sasi e vogël lënde plasëse, gjatë kohës që në banesë nuk ka pasur njeri.

Si pasojë janë shkaktuar vetëm dëme materiale.

Grupi hetimor nën drejtimin e Prokurorisë vijon veprimet me qëllim zbardhjen e rrethanave, identifikimin dhe kapjen e autorit/ve”, thuhet në njoftim.

LEXONI GJITHASHTU:

• Shpërthimi në Elbasan, banorët tregojnë tmerrin: Zemra na rrihte pa pushim
• Në pronësi të një gruaje, eksploziv automjetit të parkuar pranë “Qytetit Studenti”
• U përfshi në aksident i dehur në timon, arrestohet efektivi i policisë në Lezhë