Një shpërthim me tritol ka ndodhur në Kodrën e Rrashbullit në Durrës në orët e para të mëngjesit të sotëm.

Sipas burimeve, mësohet se shpërthimi ka ndodhur në ambientet e jashtme të një biznesi mobileri.

Si pasojë e shpërthimit, për fat të mirë nuk ka pasur persona të lënduar, por vetëm dëme materiale.

Ndërkohë autorët e vendosjes së lëndës plasëse ende nuk janë identifikuar nga Policia.

Lidhur me shpërthimin, Policia ka shoqëruar disa persona dhe dy pistat kryesore ku po hetohet janë konkurrenca dhe konfliktet e pronësisë.

Grupi hetimor po vijon punën për zbardhjen e plotë të ngjarjes.

Njoftimi i Policisë:

Durrës-Në orët e para të mëngjesit, në Rrashbull, Durrës, në ambientet e jashtme të mobilierisë në pronësi të shtetasit L. A., 36 vjeç, është hedhur një sasi lënde e dyshuar plasëse.

Si pasojë janë shkaktuar vetëm dëme materiale.

Nga veprimet e para hetimore dyshohet se lënda plasëse është hedhur për shkak të një konflikti për motive pronësie.

Në Drejtorinë Vendore të Policisë Durrës janë shoqëruar 3 shtetas që dyshohet se kanë dijeni për rastin.

Grupi hetimor, në drejtimin e Prokurorisë, vijon hetimet për zbardhjen e rastit, identifikimin e kapjen e autorit/ve.

LEXONI GJITHASHTU:

• Punonjëse e doganës, kush është 62-vjeçarja që i vendosën tritolin në banesë
• Shpërthim me tritol në Lushnje