“Shpëtova për mrekulli, plumbi më preku fytyrën”, zbardhet dëshmia e 60-vjeçarit

Në dëshminë e dhënë për policinë e Shkodrës 60-vjeçari Selami Brahimi ka konfirmuar se nuk ka asnjë konflikt me njeri dhe se ka shpëtuar për mrekulli.

“Unë sapo lashë mbesën time tek një punonjës që është afër picerisë. Sapo jam ulur poshtë më kanë qëlluar. Kam shpëtuar për mrekulli sepse në atë moment jam kthyer dhe plumbi më kapi fytyrën sepse ndryshe mund të më kishin qëlluar në kokë. Nuk kam arritur që të shoh asgjë. Nuk kam asnjë problem me askënd dhe nuk e di kush mund të jenë autorët. Po ashtu nuk kam arritur që të shoh asnjë makinë apo mjet tjetër të autorëve. Nuk kam pasur asnjë kërcënim apo problem ndaj nuk e kam idenë se kush më ka qëlluar dhe për çfarë arsye”,-tha 60-vjeçari

Ndaj 60-vjeçarit  është qëlluar të paktën 10 herë më automatik ndërsa më pas autorët e dyshuar, mendojmë të jenë larguar në dalje të Shkodrës .

Policia e Shkodrës po vijon hetimet lidhur me këtë ngjarje ndërsa kanë kryer kontrolle nga Renea në disa zona përreth Shkodrës ndërsa ende nuk ka autorë të dyshuar rreth kësaj ngjarjeje.

LEXONI GJITHASHTU:

• Plgosja me armë, drejtori i policisë në Shkodër: Po merren në pyetje dëshmitarët
• Qëlloi me armë zjarri nga kati i 5, arrestohet pas 3 orësh agresori në Shkodër