Shprehja e preferuar shqiptare e ambasadores suedeze

“Ça ke bo? Ça bone?”, këto janë shprehjet që pëlqen më shumë nga gjuha shqipe ambasadorja suedeze në Tiranë, Elsa Hastad.

Në një intervistë për Euronews Albania ajo u shpreh: “Ça ke bo? Ça bone? Më pëlqen shumë, ‘ça bone’. Por më pëlqejnë të gjithë fjalët tuaja, sidomos ato që kanë fjalën mirë, shumë mirë. ‘Mirë’ është një fjalë e bukur, kur më pyesin, gjithnjë i them, mësoni fjalën ‘mirë’”, tregoi ajo.

Ajo i cilësoi shqiptarët si njerëz mikpritës dhe të ngrohtë. Por, ambasadorja është e mahnitur edhe nga bukuria natyrore shqiptare.

“Gjëja e dytë është bukuria e këtij vendi. Më duhet ta them, bukuria e këtij vendi është e mahnitshme. Shqipërinë nuk e kanë parë të gjithë, por unë udhëtoj shumë dhe sërish mbetem e mahnitur. Malet, deti, çdo gjë është fantastike”, tha ajo.

LEXONI GJITHASHTU:

• Ambasadorja suedeze: Gjeni besimin tek shteti juaj, ambasadorët nuk janë grup i dytë politikanësh
• Ambasadorja suedeze tregon se çfarë pëlqen më shumë dhe më pak tek shqiptarët