Pedagogia Lorenca Bejko, e cila punon si asistent profesore në një univeristet në Paris, ishte e ftuar këtë të shtunë në emisionin Rin Talk në Euronews Albania, ku rrëfeu rrugëtimin e saj jashtë shtetit, nga studimet deri te punësimi.
Bejko tha se i bën shumë habi preceptimi i keq që të huajt kanë për shqiptarët, duke i konsideruar vetëm si persona që merren me trafikun ndërkombëtar të drogës.
Ajo shtoi se ka me qindra shqiptarë që na bëjnë krenar në çdo vend të botës.
“Kur kam qenë në studimet e mia në master doja të bëja një stazh të cilin e kryeva në gjykatën e Grenobles, qytetin ku jetoja.
Aty kisha mundësi të takohesha me një prokuror dhe gjyqtar gjatë orëve studimore, i thashë që dëshiroj të bëj një stazh në gjykatën tuaj. U habit dhe më tha: “Po si ka mundësi se shqiptarët janë të njohur vetëm për trafik ndërkombëtar droge” dhe problematika të cilat i kemi kaq shumë të dëgjuara sa na vjen keq që trajtohemi kështu. I thashë që im atë ka kontribuar në polici dhe ime më ka qenë mësuese dhe pse unë duhet të mendoj ashtu. Jam e bindur që kemi shqiptar që na bëjnë krenar në të gjithë botën”, tha Bejko.
LEXONI GJITHASHTU