Shqiptari në Azi: Këtu në Bhutan nuk pihet cigare, quhet gjë e “ulët”

Elton Çaushi, operator turistik ishte i ftuar në emisionin “Good Morning Albanians” në Euronews Albania, ku foli në lidhje me Bhutanin, i cilësuar si vendi më i lumtur në botë.

Ai tha se në këtë vend nuk lejohet cigarja dhe të shesësh cigare është njëlloj si të shesësh lëndë narkotike.

Mes tjerash nënvizoi se 70% e territorit atje është e mbuluar me pyje.

“Ne jemi me një guidë me vete. Këtu cigarja është e ndaluar. Nëse kapesh duke shitur cigare, konsiderohesh si çdo lloj shitësi i substancave ilegale. Është një mundim i madh. Një gjë që përpiqem të marrë me vete nga Bhutani është që ta lë cigaren.

Do jetë e lumtur ime më që ta dëgjoj këtë. Njerëzit të shohin sikur po bën diçka të ulët. Këtu është vendi ku 70% e territorit është e mbuluar me pyje”-tha ai.

Bhutan, i njohur edhe si “Zvicra e Azisë”, është një vend ku thuhet se do të zbuloni sekretet për lumturinë. Ky vend i vogël himalajan, i cili hapi dyert për të huajt në vitet 1970, është popullor në mbarë botën për historinë e tij të gjatë të izolimit të mrekullueshëm dhe reputacionit për të qenë vendi më i lumtur në botë. Përveç spiritualitetit pasurues dhe bindjeve të forta budiste, Butan është shtëpia e peizazheve dramatike, të lashta.

Bhutanezët besojnë se ruajtja e mjedisit është mënyra e jetesës. Gjithashtu, ruajtja e mjedisit është një nga shtyllat e indeksit të lumturisë së tyre. Përveç matematikës dhe shkencës, fëmijëve u mësohet mbrojtja e mjedisit dhe teknikat bazë të bujqësisë. Në Bhutan, besohet se t’u mësosh fëmijëve të jenë njerëz të mirë është po aq e rëndësishme sa të marrësh nota të mira. Imazhi ‘i pastër dhe i gjelbër’ i Bhutanit i shton bukurinë e tij të mrekullueshme.

LEXONI GJITHASHTU: 

• Kishte fshehur 4 mijë fara kanabisi në çantë, arrestohet 17-vjeçari
• Plani për më pak bashki, Eksperti: Hallka më e dobët e kësaj ndarjeje territoriale