Shqiptari nga Kroacia: Boshnjakët këtu nuk na duan

Zgjedhjet parlamentare në Kroaci do të mbahen më 17 prill, beri sot me dije presidenti i Republikës, Zoran Millanoviç. Këto do të jenë zgjedhjet e para në Kroaci në të cilat do të votohet një ditë të mërkure dhe jo fundjave.

Millanoviç e shpalli datën e zgjedhjeve parlamentare pasi dje u shpërnda perbërja e dhjetë e Saborit kroat. Presidenti kroat përmendi edhe vendim për shpallje të zgjedhjeve për deputetë në Parlamentin evropian nga Republika e Kroacisë, ndërsa votimi do të mbahet të dielën më 9 qershor 2024

Kryetari i Unionit shqiptar në Kroaci Esad Çollaku komentoi krizën politike në një intervistë për Euroneës Albania.

Ai theksoi se dhe pse shqiptarët kanë dhënë kontributin e tyre në Kroaci, nuk janë të vlerësuar, e madje boshnjakët bëjnë ç’është e mundur që shqiptarët të mos përfaqësohen në Kuvend.

“Për shqiptarët janë ditët e errëta të kaluara.  Dhe pse kemi dhënë një kontribut të jashtëzakonshëm për çlirimin e Kroacisë, kemi dhënë 87 dëshmorë. Janë 3 mijë  shqiptarë që kanë marrë pjesë vullnetarisht në mbrojtjen e shtetit kroat. Vetë biznesi shqiptarë ka derdhur qindra miliona euro në shtetin kroat. Kjo gjë nuk u çmua. Për katër mandate na  ka udhëhequr boshnjaku në Kuvendin e Kroacisë. Mediat nuk janë marrë fare me çështjen e shqiptarëve. Boshnjakët duan të na luftojnë në Kuvend. Ne duhet të jemi të vetëdijshëm që te kemi sa më pak kandidat për deputet”-tha ai.

LEXONI GJITHASHTU: 

• Vula e PD/ Gjykata e Lartë e dërgon për rigjykim në Apel çështjen
• Muzeu etnografik në Gjirokastër/ Përcjell vlerat e folkut dhe traditës së qytetit