Shqiptari përplaset për vdekje në vizat e bardha në Itali, sapo festoi maturën

Kevin Murataj është 19-vjeçari shqiptar që ndërroi jetë në mënyrë tragjike në Itali mesnatën e 26 majit. I riu u përplas për vdekje nga një makinë teksa po kalonte rrugën në zonën e Lignano Sabbiadoro, Udine.

Sipas asaj që shkruajnë mediat italiane, 19-vjeçari sapo kishte dalë nga piceria së bashku me 8 shokë e shoqe të klasës dhe 2 mësues, kur u përplas në vijat e bardha nga një makinë që drejtohej nga një 21-vjeçar. Ngjarja e rëndë ndodhi rreth orës 23:30. Ai u transportua menjëherë drejt spitalit, por goditja kishte qenë e fortë dhe i riu humbi jetën pa arritur në spital.

Të rinjtë ishin nisur drejt diskotekës për të vijuar festën për përfundimin e maturës. Kevin Murataj punonte si kamarier fundjavave ndërsa ëndërronte të vazhdonte edhe universitetin, ëndërr kjo që mbeti e parealizuar.

Kevin la pas prindërit, Alketin dhe Elisabetën si edhe dy vëllezërit e tij më të vegjël. Prindërit e tij, janë shprehur se nuk i dinë rrethanat e ngjarjes, ndaj ata përpiqen mos ta fajësojnë 21-vjeçarin që ishte në timon dhe që i mori jetën djalit të tyre.

LEXONI GJITHASHTU:

• Mbreti Charles III nderon Tina Turner, vendos këngën e saj në Buckingham Palace
• “Po luan me zjarrin”- Milo analizon situatën në Veri: Pse Kurti shkaktoi tensionet