Shtëpia e Bardhë akuzon të djathtën për dezinformim

Shtëpia e Bardhë ka akuzuar “kritikët e krahut të djathtë” për zgjedhjen selektive të videove në një fushatë “dezinformimi” për të vënë në dyshim gjendjen mendore të presidentit Joe Biden.

Në incidentin më të fundit, kundërshtarët e Biden pretenduan se ai përjetoi një moment konfuzioni në skenë këtë fundjavë.

Shtëpia e Bardhë ndau pamje të tjera që tregonin se Biden thjesht ndaloi për të marrë duartrokitje.

Mprehtësia mendore e zotit Biden, 81 vjeç, dhe e sfiduesit të tij 78-vjeçar, Donald Trump, janë vënë nën vëzhgim ndërsa gara për Shtëpinë e Bardhë po nxehet.

Një sondazh tregon se mosha dhe aftësitë e zotit Biden po tërheqin më shumë vëmendjen e votuesve.

Sekretarja e shtypit Karine Jean-Pierre në konferencën e përditshme për shtyp tha se “këto video të manipuluara janë bërë me keqbesim”.

Videoja u bë virale pasi Biden organizoi një mbrëmje gala në Los Anxhelos të shtunën mbrëma.

Ngjarja kryesua nga George Clooney, Barbra Streisand, Julia Roberts dhe prezantuesi, Jimmy Kimmel.

Mediat konservatore shpërndanë një video të zotit Biden duke qëndruar në skenë teksa ishte hutuar. Trump ndau klipin në platformën e tij, Truth Social, duke komentuar: “A është vërtet presidenti që doni?”