“Shtëpia ku rrija në Gaza u shemb nga sulmet, u larguam drejt jugut”-Palestinezi

Palestinezi Ibrahim AlAgha tregoi për “Good Morning Albanians” se si arriti të evakuohej së bashku me 90 personat të cilët ishin mbledhur të gjithë në një shtëpi, pas shpërthimit të luftës në Gaza.

Ai tha se janë larguar të gjithë me makinë dhe kanë shkuar për në jug të Gazës, pasi shtëpia e tyre u targetua dhe u shemb nga sulmet izraelite.

“Falë zotit jemi të gjithë të sigurt. Shtëpia jonë u targetua nga dhe u shemb sulmet. Kështu që për fat të mirë ne jemi mirë”,-tha ai.

Ibrahim AlAgha dhe gruaja e tij Hamida po kalonin disa pushime të zgjatura në Gaza kur filluan sulmet ajrore izraelite në këtë territor.

Ata janë shtetas irlandezë dhe kishin dashur që tre fëmijët e tyre të lindur në Dublin të njihnin të afërmit e tyre palestinezë dhe të mësonin për gjuhën dhe kulturën. Por familjes iu desh të përballej me shpërthimet.

LEXONI GJITHASHTU:

• Sot Halloween-i, si festohet në Shqipëri
• Palestinezi tregon si shpëtuan: Ikëm 90 persona mes bombardimeve për në jug të Gazës