Shtohen të huajt që duan të marrin patentën në Shqipëri! Gonxhja tregon arsyet

Ministria e Arsimit dhe Drejtoria e Përgjithshme e Transportit Rrugor kanë firmosur marrëveshjen për futjen e sigurisë rrugore si kurrikul në arsimin parauniversitar.

Këto dy institucione do të punojnë së bashku për hartimin dhe zbatimin e unifikuar të kurrikulës së re të edukimit për sigurinë rrugore.

Blendi Gonxhja, drejtor i DPSHTRR tha në emisionin GoodMorning Albanians në Euronews Albania se numri i të huajve që kërkojnë të marrin një patentë shqiptare ka ardhur në rritje gjatë viteve të fundit.

“Kush vjen në Shqipëri, që do të rrijë këtu konverton patentën. Ne jemi më shumë zemërgjerë në numrin e shteteve që konvertojmë. Kemi të rregulluar testin tonë edhe në gjuhë të huaj për ta bërë më të lehtë. Do të duhet të rregullojmë edhe këto zonat gri, kudo ku ka korrupsion, subjektivitet, duam ta zgjidhim. Do ketë edhe pyetje me zë, për ata që e kanë të vështirë të flasin në gjuhë letrare se flasin në dialekt”, tha Gonxhja.

LEXONI GJITHASHTU:

• Gonxhja denoncon drejtuesit e autoshkollave: Bënin libra për t’i shitur
• Gonxhja: Ka qytetarë pa arsim 8-vjeçar që nuk dihet se si e marrin patentën