Në orën 10:30 në Gjykatën Civile ishte parashikuar të mbahej seanca e parë e pajtimit mes Ilir Metës dhe Monika Kryemadhit.
Por gjyqi i divorcit mes Metës dhe Kryemadhit është shtyrë për në datën 11 prill. Genc Gjokutaj, avokati dhe përfaqësuesi ligji i Ilir Metës tha në një deklaratë për mediat se shkak për shtyrjen e gjyqit është bërë mungesa e Monika Kryemadhit, e cila nuk ëshët paraqitur në seancë.
“Zonja Kryemadhi ishte në dijeni të seancë, nuk u paraqit dhe nuk dha ndonjë arsye për mungesën. Seanca u shty në datë 11 prill në orën 10.30. është faza paraprake e pajtimit, pastaj çelet gjyqi i divorcit”, tha Gjokutaj.
Në qershor të vitit të shkuar ish-presidenti Ilir Meta njoftoi se kishte nisur procedurat e divorcit nga bashkëshortja e tij Monika Kryemadhi, pas 26 vitesh martesë e akoma më shumë vite të një bashkëjetese politike
Që nga muaji tetor Ilir Meta ndodhet në burg i arrestuar me urdhër të SPAK për akuzat pastrim parash, korrupsion dhe mosdeklarim pasurish.
LEXONI GJITHASHTU:
- Meta nga qelia: Reforma në drejtësi e kapur nga mazhoranca, fajtorë ndërkombëtarët
- Ilir Meta kërkon lirinë, Gjykata e Lartë shqyrton rekursin më 27 shkurt
