Kaiserslautern rezultoi një pengesë e pakalueshme për surprizën e këtij sezoni në kupën e Gjemanisë, Saarbrucken. Skuadra që militon në ligën e tretë shkroi historinë duke eliminuar ekipet favorite, mes tyre dhe gjigantët e Bayernit të Mynihut, por në stacionin e parafundit, dështoi të merrte një rezultat pozitiv, duke i dhënë fund ëndrrës. Me luksin për ta zhvilluar gjysmëfinalen në shtëpi, Saarbrucken pësoi 2 gola nga Ritter e Toure në fraksionin e dytë, duke bërë që Kaiserslautern të jetë skuadra e parë finalist e kupës.
Pavarësisht eliminimit, vendësit do të mbahen mend për ecurinë perfekte këtë sezon, ku edhe pse renditen në mesin e tabelës në Bundesligën e tretë, nuk e patën aspak problem të eliminojnë ekipe si Bayern, Frankfurt apo Monchengladbach.
Në mbrëmje në fushë zbret Leverkuseni, ekipi i vetëm i pathyeshëm në Evropë. Të besuarit e Xabi Alonsos përballen me Fortuna Dusseldorf në shtëpi. Mbrojtësi Arthut është mungesa e vetme, ndërsa edhe bomber Boniface është në dyshim tek aspirinat, teksa në kampin tjetër Sobottka nuk është në dispozicion për shkak dëmtimi. Leverkusen është favorit për fitimin e përballjes dhe jo vetëm, por madje dhe për finalen, ndërsa në 5 ndeshjet e fundit ndaj Fortuna Dusseldorf, i ka fituar të gjitha duke shënuar plot 14 gola.
LEXONI GJITHASHTU:
- Bayern mposhtet në “Allianz Arena”, çfarë po ndodh në Bundesligë
- Gjeorgjia thyen Greqinë, kualifikim historik në Europian. Kompletohet Euro 2024
