Shumica e maqedonasve mendojnë se COVID u krijua për kontroll popullsie, sipas sondazhit

Sipas një studimi të ri, rreth dy të tretat e qytetarëve të Maqedonisë së Veriut mendojnë se coronavirusi u krijua për të kontrolluar popullsinë.

65 për qind e të anketuarve thanë se mbështesin teorinë e pabazë se COVID-19 u krijua në mënyrë artificiale në laborator, sipas sondazhit.

Rreth 46 për qind mendojnë se virusi po shpërndahet nga ajri përmes aeroplanëve, ndërsa 44 për qind janë të mendimit se Ministria e Shëndetësisë paguhet për të “fryrë” shifrat reale të viktimave.

Studimi është kryer nga Instituti për Demokraci Societas Civilis (IDSCS) në bashkëpunim më Qendrën Presidenciale për Edukim Politik (PCPO).

Gazetari Bojan Stojkovski tha për Euronews se rezultatet e sondazhit janë “të përpikta” dhe “aspak befasuese”.

“Ka plot njerëz në Maqedoninë e Veriut që i besojnë këtyre lloj teorive edhe pse mund të jetë e vështirë për ta besuar”, tha ai.

“Shtimi i lajmeve të rreme këtu është i mirë dokumentar … por mendoj se pandemia vetëm sa i ka shtuar dhe një dimension tjetër”.

Sipas të dhënave të IDSCS, personat që janë të punësuar, apo me arsim të lartë, kanë më pak të ngjarë t’iu besonin teorive konspirative. Ndërkohë, grup mosha 30-39 ishin ata që i besonin më pak këtyre pretendimeve të pabaza.

Sipas analistëve, kjo vjen si pasojë e humbjes së besimit ndaj politikanëve dhe demokracisë në institucione.

Sipas Our World In Data, vetëm 37.9 për qind e popullsisë së rritur është e vaksinuar me të dy dozat në Maqedoninë e Veriut, shifër shumë më e ulët sesa mesatarja e  Bashkimit Europian, 68 për qind.

Matthew Holroyd  •

Muajin e shkuar qindra qytetarë marshuan në rrugët e Shkupit për të protestuar kundër masave të reja kufizuese dhe rekomandimit të autoriteteve për vaksinimin e detyrueshëm të punonjësve të administratës publike.

Sondazhi është kryer në maqedonisht, shqip dhe anglisht dhe kanë marrë pjesë 1 mijë qytetarë mbi moshën 18.