Si do i zbusë raportet Shqipëri-Greqi? Plani që ka Vangjel Tavo për Himarën

Kandidati i Partisë Socialistë për bashkinë Himarë, Vangjel Tavo tha në një intervistë për Euronews Albania se në bashkinë e Himarës ai do të ndjekë interesat e popullit himariot.

I pyetur se si do të ndikojë ai në marrëdhënien Shqipëri-Greqi nëse vendoset në krye të bashkisë ai tha se një kryebashkiak nuk ka tagër për të folur për marrëdhëniet mes dy shteteve.

“Për të disatën herë, unë si person historikisht në politik, si pjesë e minoritetit por edhe përfaqësues i të gjithë shtetasve shqiptar i atij qarkut që përfaqësoja, gjithmonë kam kontribuar për marrëdhënie të mira e të shkëlqyera mes dy vendeve tona sepse në fund të fundit, këto marrëdhënie i imponojnë popujt dhe interesi i tyre dhe politikanët janë të detyruar që të ecin dhe të ndjekin pikërisht popujt dhe interesat e popujve të tyre.

Për të njëjtën gjë do të kontribuoj edhe si kryetar i bashkisë së Himarës. unë nuk mund të flas për marrëdhëniet Shqipëri-Greqi, se kryetari i bashkisë nuk ka asnjë tagër për këtë”,-tha Tavo.

LEXONI GJITHASHTU:

• Kush është Vangjel Tavo, kandidati socialist për bashkinë e Himarës
• Vangjel Tavo zyrtarisht kandidati i PS për bashkinë Himarë