4 hapat për një president konsensual mes PS-PD

Pas disa raundeve diskutimesh mes PD dhe PS lidhur me procedurat e zgjedhjes së presidentit të ri në mënyrë konsesuale, dje socialistët pranuan draftin e demokratëve që kandidatët në raundin e dytë dhe të tretë t’i propozojë vetëm opozita.

Procedura e propozuar nga demokratët parashikon që grupi i PD të zgjedhë 4 kandidatë, ndërsa PS të përzgjedhë 2 kandidatë.

Një komision i përbashkët PD-PS me 6 anëtarë do të përzgjedhë në fund 1 kandidat të vetëm.

Kandidati i përzgjedhur me konsensus propozohet me firma të përbashkëta PD-PS.

Më 23 maj është raundi i dytë i votimit për zgjedhjen e presidentit. Votimi pritet të zhvillohet në orën 18:00.

Raundi i parë për presidentin dështoi për shkak të mungesës së një kandidature për postin e Kreut të Shtetit.

Për të zgjedhur presidentin e ri në tre raundet e para duhen së paku 84 vota, të cilat mazhoranca e Partisë Socialiste nuk i ka.

Pas raundit të tretë, mazhoranca mund ta zgjedhë vetë Kreun e ri të Shtetit, pasi i ka 71 votat e nevojshme.

LEXONI GJITHASHTU:

• 23 deputetë të pranishëm në mbledhjen e PD, priten emrat për presidentin
• Alibeaj: Presidenti duhet të zgjidhet në 3 raundet e para