S’i pagoi gjobën mijëra euro, zbardhet motivi pse i ‘forti’ hodhi në erë fasonerinë

Shtetasit italian, pronarit të fasonerisë që iu vu tritol më 25 maj, i ishte vendosur një gjobë prej 100 mijë eurosh nga Edmond Arapi, i akuzuar më parë për plagosje.

Pasi italiani nuk ka pranuar të paguajë gjobën e vendosur nga 46-vjeçari, ky i fundit e ka kërcënuar disa herë duke i thënë se nuk do t’i jepte paratë do ta pësonte keq.

Siç dhe tashmë dihet, pronari i fasonerisë nuk pranoi, ndërsa Arapi nga Himara organizoi vendosjen e tritolit.

Ai ka kontaktuar 16-vjeçarin dhe e ka porositur të vjedhë një biçikletë. Më pas i ka siguruar edhe sasinë e tritolit duke i premtuar 1 milion lekë të vjetra për ta vendosur në ambientet e fasonerisë.

I mituri fshihej në Valias.

Policia ka marrë dhe dëshminë e italianit që ka ndihmuar në zbardhjen e ngjarjes. Pas koordinimeve me komisariatin e Himarës kanë marrë informacion për autorin. Falë punës së komisariatit 4 dhe 5 është arrestuar përfundimisht dhe Arapi.

LEXONI GJITHASHTU:

• EMRI| Tritoli në Fresk, kush është autori që hodhi në erë fasonerinë
• Zbardhet shpërthimi me tritol në Tiranë, organizatori i pagoi 1 mln lekë të miturit