Si ruhen filmat e vjetër? Arkivi Shtetëror hap dyert për Euronews Albania

Specialistja e Arkivit Qendror Shtetëror të Filmit, Ermelinda Troqe tregoi sot për emisionin “Mirëmëngjes” vendin dhe kushtet ku ruhen filma e vjetër shqiptarë dhe jo vetëm.

Znj. Troqe u shpreh se ka 6 vend-ruajtje të filmave, ku monitorohet temperatura dhe lagështira.

“Ruhen në temperatura të ulëta dhe lagështira e ulët. Bëhet edhe një kontroll fizik nga ana e specialistëve”, tha specialistja, e cila shtoi se në arkiv ruhen shiritat e xhirimeve që nga fillimi i Luftës së Dytë Botërore.

Sipas saj, 10 minuta film ruhet në një kuti metalike në të cilin ndodhet shiriti.

“10 kuti metalike përbëjnë një film. Ky film montohet i gjithë bashkë”, tha ajo, teksa shtoi se hapi i radhës është skanimi dhe më pas kalimi i tyre në një sistem digjital.

Znj. Troqe tha më tej se aktualisht është duke u restauruar filmi “Muri i gjallë”.

Ndërsa janë skanuar 41 të tjerë, si ‘Flutura në kabinën time’, ‘Kapedani’, ‘Thirrja’, ‘Pylli i Lirisë’.