Si u festua Fitër Bajrami në Gjirokastër, besimtarët urojnë njëri-tjetrin

Besimtarët myslimanë në Gjirokastër kanë festuar përfundimin e muajit të shenjtë të Ramazanit.

Mëngjesin e kësaj të mërkure në mjediset e Pallatit të Sportit u zhvillua falja e namazit të Fitër Bajramit e kësaj dite të shenjtë për besimin islam me pjesëmarrjen e besimtarëve të shumtë. Faljen e namazit e ka drejtuar myftiu i Gjirokastrës, Aorel Senja. Besimtarët janë lutur për më shumë paqe dhe harmoni mes njerëzve.

“Në këtë ditë të madhe të Bajramit gjej rastin të uroj të gjithë besimtarët myslimanë të Gjirokastrës po jo vetëm në të gjithë Shqipërinë dhe të gjithë botën: Gëzuar Fitër Bajramin! Kjo është një ditë gëzimi, një ditë harmonie, një ditë paqe, një ditë lumturie për të gjithë njerëzit, për të gjithë besimtarët anë e kënd botës”, tha myftiu i Gjirokastrës.

“Gëzuar edhe ta eksperimentojnë, ta provojnë agjërimin do të gjejnë begati shpirtërore të jashtëzakonshme”, u shpreh një besimtar.

Pjesë e festimeve të Ditës së Bajramit në Gjirokastër ishte edhe pritja e organizuar nga myftinia si dhe vizitat e besimtarëve në familjet e njeri-tjetrit.

LEXONI GJITHASHTU:

• Mijëra besimtarë falin Fitër Bajramin në Elbasan
• Kreu i KMSH uron Fitër Bajramin: Më shumë tolerancë mes njëri-tjetrit