Siguria kombëtare, deputeti i PS: Po na preku Rusia, të jemi të përgatitur

Deputeti i PS, Bardhyl Kollçaku foli në lidhje me sigurinë kombëtare dhe kërcënimet e mundshme për vendin tonë.

Në një intervistë për Euronews Albania, ai theksoi se nëse kërcënimet e Rusisë do të ndikojnë indirekt ndaj vendit tonë duhet të jemi të përgatitur.

Mes tjerash ai nënvizoi se interesi i Rusisë është që të largoj vëmendjen nga Ukraine dhe të ketë një front tjetër.

“Unë kam pasur fatin të isha në të dy diskutimet. Diskutimet kanë qenë të frytshme, konstruktive. Drafti që kaloi sot është rezultat i një pune të gjatë. Është  një dokument gjithëpërfshirës, dhe adreson të gjitha problematikat e konstatuara, fuqitë, pikat e dobëta dhe përpjekjet e shtetit për të arritur atë që janë interesat kombëtare.

Nëse kërcënimet e Rusisë që janë të shtuara ndaj vendeve të Aleancës, por indirekt na prek dhe ne, ne duhet të jemi të përgatitur nga ana mendore që duhet të jemi gati të gjithë. Interesi i Rusisë është të largoj vëmendjen nga Ukraina dhe të ketë një front tjetër”-tha ai.

LEXONI GJITHASHTU: 

• SHBA-ja sulmon caqet e Huthëve në Jemen
• Ndryshon rregullorja e futbollit, futet për herë të parë kartoni blu