Eksperti Arsim Sinani në një lidhje të drejtpërdrejt për Euronews Albania, u shpreh se prioritet i qeverisë së Maqedonisë së Veriut është ndërtimi i rrugës Prizren-Tetovë.

Sipas tij kjo do të ndihmojë në zhvillimin ekonomik, duke shtuar se beson se do të jetë një qeveri mjaft e përpiktë.

“Ajo që është e qartë është se shqiptarët do ta kenë kryetarin e parlamentit të Maqedonisë. Inagurimi i sotëm i presidentes do të thotë se është shumë e qartë që shqiptarët duhet të kenë kryetarin e parlamentit. Është biseduar për parimet  kryesore që do të duhet t’i ketë qeverisja. Më duhet ta konfirmojë që rruga Tetovë-Prizren do të jetë një nga prioritetet kryesore të qeverisë.

Ky është një lajm që mund të ndihmoj në zhvillimin ekonomik. Besoj se do kemi një qeveri mjaft të përpiktë dhe me një program qeveritar”-tha ai.

LEXONI GJITHASHTU: 

• Vlora çel sezonin/ Promovimi i vlerave i qytetit bregdetar u bë përmes panairit
• Rama: Marrëdhëniet shqiptaro-greke më të ngushta se sa i ka bërë të duket politika