Sindikata e KEK-ut në protestë: Të rriten rrogat, të shtohen punonjës

Sindikata e Korporatës Energjitike të Kosovës po mban një protestë këtë të enjte me kërkesën për kushte më të mira pune dhe rritje të pagës.

Nga godina, aty ku u bë dhe mbledhja e protestuesve, u mbajtën disa fjalime nga drejtuesit e sindikatës së KEK-ut dhe nga bashkimi i Sindikatave të Punëtorëve të Kosovës.

Më pas të gjithë të pranishmit ecën drejt ndërtesës së qeverisë ku do të presin përgjigje për kërkesave të tyre, duke qenë se Korportata Energjitike e Kosovës është kompani publike dhe menaxhohet nga ministria e Industrisë.

Një nga protestuesit tha për korrespondentin e Euronews Albania, Kosovë Gjoci se urgjente është edhe prania e punëtorëve të rinj, konkretisht 2 mijë.

“KEK-u nuk ka punëtorë, janë pleq 60-vjeçar, vijnë me sëmundje, me kancer, mund t’i vërtetoni kur të doni, rroga nuk ka, pension nuk ka. 200 euro nuk na mbajnë. Nëse e vret këmbën, pension të parakohshëm nuk ke, që ajo është kryesorja,” – u shpreh zotëria.

LEXONI GJITHASHTU:

• Grevë e përgjithshme dhe protesta në të gjithë Greqinë për aksidentin e trenave
• E djathta serbe proteston sërish kundër propozimit evropian