Sipërmarrësi komplimente Ramës: Bëri gol, si i solli 7.1 milionë turistë në Shqipëri

Sipërmarrësi i turizmit, Dritan Gremi tha në emisionin Now në Euronews Albania se meritën e vetme për fluksin e madh të turistëve në vendin tonë këtë verë e ka kryeministri Edi Rama.

Sipas tij, Rama me publikimin e fotos simbolike të anijes Vlora të ’92, e ndarë më dysh me shqiptarë që iknin dhe italianë që vinin, solli një efekt të jashtëzakonshëm në mediat italiane.

“Nuk kemi pasur një strategji të koordinuar mes shtetit dhe sipërmarrësve, nuk jemi ulur kurrë bashkë. I vetmi aktor dhe lojtar që kanë bërë golin më të bukur këtë verë i vetëm është kryeministri Edi Rama. Ai ka publikuar një foto të anijes Vlora të ‘92 e ndarë në gjysmë, me shqiptarët që ikin dhe italianët që vijnë, kjo bëri efekt shumë të madh  në mediat italiane  që 10 ditë folën për këtë. Pastaj erdhi Meloni, ishte gol shumë i bukur edhe ky. Këtë gol e ka bërë ai dhe meriton një bravo, është gjeniale. Po të bësh një analizë, e kupton se kjo ndodhi për këtë arsye”, tha Gremi.

LEXONI GJITHASHTU:

• “Nga shalqiri kaluam tek havjari”, Shkodra: Pse ky fluks i frikshëm turizmi
• Turizmi/ Ekspertët: Duhet ndryshuar infrastruktura që të justifikohen çmimet