Situatë e rënduar në RMV, 28 të vdekur, viktima më e re një 22-vjeçare shtatzënë nga Shkupi

Situata në Maqedoninë e Veriut, sa vjen dhe përkeqësohet.

Shifrat e të infektuarve me COVID janë në rritje, ndërkohë që bluzat e bardha janë në limitet e përballimit të gjendjes së krizës. Vetëm gjatë ditës së djeshme janë shënuar 28 të vdekur, ku viktima në moshën më e re ishte një 22-vjeçare shtatzënë. Sakaq janë regjistruar edhe 929 raste te reja infektimesh.

Korrespondentja e Euronews Albania në Shkup, Ferikan Iljazi tha se po mendohet për masat që mund të merren gjatë fundvitit, por zyrtarisht nuk duhet se ka vendim për kufizime të reja përveç atyre që janë vendosur deri tani.

Ajo tha se frika e përhapur në opinionin publik për shkak të lajmeve të rreme ka bërë që shumë qytetarë të shkojnë me vonesë në spital, çka ka sjellë si rrjedhojë që edhe numri i vdekjeve në këtë vend të jetë më i larti në rajon.