Sizmiologu: Vetëm në 8% të botës ndodhin tërmete kaq të fortë si në Turqi

Sizmologu Rrapo Ormeni është shprehur se tërmetet që ndodhën dje në Turqi janë të rrallë.

I ftuar në emisionin “Good Morning Albanians” në Euronews Albania, ai tha se në 8% të botës mund të ndodhin tërmete të tilla.

“Në 8% të botës  mund të ndodhin tërmete të tilla. Turqia është vend që përballet me tërmete të forta. Karakteristikë është se ranë dy tërmete të njëpasnjëshme  me magnitudë të njëjtë. Kjo ndodh rrallë”- tha ai.

Ka shkuar në 4,300 numri i viktima si pasojë e tërmetit që goditi ditën e djeshme Turqinë, por ka të ngjarë të rritet më tej pasi vijojnë kërkim shpëtimet për njerëzit që mund të kenë mbetur nën rrënoja.

Mijëra ndërtesa janë shembur pas tërmetit me magnitudë 7.8 afër Gaziantep, Turqi, që goditi orët e para të së hënës, ndërsa njerëzit ishin në gjumë.

Një tërmet me magnitudë 7.5 goditi aty pranë disa orë më vonë, duke shkaktuar dëme të mëtejshme në një rajon që tashmë ishte tronditur keq.

LEXONI GJITHASHTU: 

• Më shumë se 4 mijë viktima, si është situata në Turqi pas tërmetit
• Ylli Manjani: Ramës duhet t’i nisë dosja si Saimir Tahirit, ja indiciet