“S’jemi armiq”- Spiropali në Kuvend: Radikalizmi nuk është flamur fitoreje

Ministrja Elisa Spiropali është shprehur se është mirë të shohësh deputetët në Kuvend duke diskutuar dhe dhënë alternativa, pas rreth 5 muajve kaos.

Komentet Spiropali i bëri gjatë fjalës së saj në Kuvend, ku tha se mazhoranca dhe opozita nuk duhet ta luftojnë njëra-tjetrën me çdo mjet, pasi nuk janë armiq.

Ajo tha gjithashtu se flamuri i radikalizmit nuk është flamur fitoreje, por disfate dhe shtoi se nuk përplasjet në Kuvend nuk duhet të kishin arritur deri në këtë pikë, sa të vinin ambasadorët e huaj, për të parë sesi do të pajtoheshin.

“Është mirë t’i shohësh të gjithë deputetët në vendin e tyre apo duke folur, sepse kjo është detyra e deputetit, që të marrë pjesë dhe të japë alternativa. Ne nuk jemi armiq dhe nuk e luftojmë njëri-tjetrin me çdo mjet.

Flamuri i radikalizmit nuk është një flamur fitoreje, por flamur disfate. Unë besoj që nuk ishte e nevojshme sot që të vinin edhe ambasadorët në seancë dhe të shihnin sesi pajtohemi me njëri-tjetrin. I përgëzoj të gjithë deputetët që mbërritën në këtë konkluzion”, tha Spiropali.

LEXONI GJITHASHTU:

• Dakordësia me opozitën|Spiropali: Ngritja e Komisioneve Hetimore, e drejtë e pakicës
• Spiropali ironizon opozitën: Partinë e bashkuat, jeni gjallë e në dritë të vërtetë