Skandali me diplomat false, reagon ish-ministrja e Arsimit, Evis Kushi

Ish-ministrja e Arsimit, Evis Kushi ka reaguar me anë të një statusi në Facebook lidhur me hetimet e dosjes italiane për mashtrimet me diploma të Universitetit Wisdom.

Nga hetimet janë arrestuar nga policia italiane administratorët e kolegjit privat “Wisdom” në Tiranë dhe 7 persona të tjerë të përfshirë.

Ish-ministrja Kushi tha se si titullarë e MAS institucioni për periudhën shtator 2020 – shtator 2023 ajo kurrë nuk ka shkëmbyer dhurata kortezie, ndërsa theksoi se MAS nuk ka pasur asnjë lidhje me akreditimin e univeristetit.

Reagimi i plotë:

Në lidhje me disa abuzime të bëra nga disa media gjatë ditës së sotme, mbi hetimet e dosjes italiane për mashtrimet me diploma të Universitetit Wisdom, dua t’ju sqaroj se:

Në dosje ka një paragraf ku thuhet:

“Ia vlen të përmendim që në vazhdim të dhuratave Catalano Lucia e Cianci Savino përpiqen të përgatisin dhe të dhurojnë dhurata simbolike në kuadër të festës së Krishtlindjes për amabasadorin, përfaqësues të ambasadës, ministre, zv. ministre, shefes së kabinetit, zyrës së matrikullimit dhe zyrës së akreditimit”.

Dua të ndaj qëndrimin tim me opinionin publik se Ministria e Arsimit dhe Sportit, si institucion dhe në rastin tim si ish drejtuese e këtij institucioni, MAS nuk është pjesë e procesit të akreditimit të universiteteve apo programeve të studimit në asnjë hap të procesit.

Akreditimi i institucioneve arsimore bëhet nga një bord i pavarur ekspertësh, vendas dhe të huaj, të zgjedhur me një konkurs të hapur.

Si titullare e këtij institucioni për periudhën shtator 2020 – shtator 2023, edhe pse ngrihen dyshime në media, nuk kam shkëmbyer asnjëherë dhurata kortezie për urime festimesh me simbolika të tilla.

LEXONI GJITHASHTU:

• Skandali i “Wisdom”, si printoheshin diploma false dhe shiteshin për 20 mijë euro
• Skandali me diplomat shqiptare në Itali, reagon Ministria e Arsimit dhe Sportit