Skënderbeu me mungesa në Laç, Gvozdenoviç i lumtur dhe me 1 pikë

Fitorja me Partizanin ka ndikuar në aspektin moral tek Skënderbeu, i cili synon të gjejë vijueshmërinë në kampionat. Korçarët kanë një tjetër kundërshtar të fortë përballë të mërkurën e bëhet fjalë për Laçin. Kurbinasit edhe pse nuk kanë asnjë fitore në 5 javët e fundit, mbeten një kockë e fortë, sidomos kur Skënderbeu vuan mungesën e disa lojtarëve.

“Kemi nesër Laçin, situata është si para Partizanit, Uce jashtë, Franklin jashtë, Ergi është jashtë”, Ivan Gvozdenoviç, trajner i Skënderbeut.

Tekniku Gvozdenoviç pohon se skuadra ka gjithmonë presion, pasi i tillë është kampionati.

“Gjithmonë jemi në presion, nuk kemi mbaruar akoma, kemi 12 ndeshje, kemi nevojë për pikët. 1 humbje na con poshtë, kemi presion, pork jo është situata dhe do luftojmë”, Ivan Gvozdenoviç, trajner i Skënderbeut.

Ndaj Laçit, 1 pikë nuk do të konsiderohej rezultat negativ.

“Neve do futemi në ndeshje për fitore, pastaj ju e dini një ndeshje ka 3 rezultate dhe ndoshta me 1 pikë nuk është keq”, tha Ivan Gvozdenoviç, trajner i Skënderbeut.

Java e 26-të e Superligës Shqiptare vijon të premten me 3 përballje, ku krahas asaj në Laç, luhen dhe Egnatia-Dinamo City dhe Partizani-Kukësi.

LEXONI GJITHASHTU:

• Skënderbeu në finale, volejbollistet korçare triumfojnë në ndeshjen ndaj Partizanit
• Futbollisti Erlis Frashëri largohet nga Skënderbeu, ku pritet ta shohim