“S’mund të bija në një padrejtësi tjetër”, Sula zbulon pse “u divorcua” nga Lapaj

Deputeti Dashnor Sula ishte këtë të enjte i ftuar në Euronews Albania ku ka qartësuar arsyet se përse ai u largua nga ajo që dukej të ishte një bashkëpunim i tij me koalicionin “Nisma Shqipëria Bëhet” të drejtuar nga Adriatik Lapaj.

Sipas tij kanë qenë Lapaj, Shabani dhe Soko ata që e ftuan fillimisht që të bëhej pjesë e koalicionit, por kjo nuk funksionoi pasi nuk pati garanci te listat e mbyllura.

“Unë pata ftesë nga disa kryetarë partie. Në momentet e fundit më erdhi ftesë edhe nga “Nisma Shqipëria Bëhet”, nuk u kam telefonuar unë, më ftuan ata dhe duke menduar djem të rinj, pranova ftesën e tyre pa detaje.

Te lista e mbyllur këta thanë kemi vënë njerëz kot, kemi vënë njerëzit tanë. Tani njeriu që merrte mandat në Elbasan e sillte vota isha unë. Unë pyeta a janë njerëz kot, a mund të vë unë një njeri kot timin për një efekt garancie? Jo më thanë nuk e bëjmë dot. Nëse nuk tërhiqen sot njerëzit kot si do tërhiqen kur të marrim mandatin. Unë iki nga padrejtësia, të bie në një padrejtësi tjetër, nuk është normale”,-tha Sula.

LEXONI GJITHASHTU:

• Dashnor Sula tërhiqet nga koalicioni “Shqipëria Bëhet”, Lapaj: Patëm mosdakordësi
• “Nuk isha as në listë të hapur as të mbyllur”, Sula: Berisha refuzoi të më takonte