“S’mund të ketë bashkim”, Zogaj: Në PD të punohet për bashkëpunim

Themeluesi i PD-së, Preç Zogaj u shpreh në një intervistë për Euronews Albania se kjo parti po përjeton ndarjen më të madhe që nga krijimi i saj.

Ai nënvizoi se në PD duhet të punohet për një bashkëpunim, se bashkim nuk mund të ketë.

“Është ndarja më e madhe, në fakt kjo është evidente. Ndarje e përkohshme mund të jetë. Në momentin aktual është një ndarje pa perspektivë bashkimi, por ka një perspektivë bashkëpunimi. Arsyet e ndarjes janë arsye përjashtuese. Rruga me drejtë është që të  punohet për një bashkëpunim, se bashkim nuk ka aty”, u shpreh Zogaj.

“Partia nisi si një front i gjerë studentor intelektual popullor në grupime të ndryshme dhe duhet të mbijetonte si e tillë, si një mozaik qasjesh. Praktikisht me ardhjen në pushtet, PD nuk po arrinte të bashkëjetonte me mendimin ndryshe”, tha ai më tej.

LEXONI GJITHASHTU:

• BE diskuton sot për tensionet në Kosovë, Borell: Palët t’i kthehen dialogut
• Raportime për bomba në disa shkolla të Podgoricë, ndërpritet mësimi
• Vuçiç: Serbët në Kosovë përballen me presione të mëdha